Byinshi ku ndirimbo Bien yakoze ikavugisha Abarundi n'Abatanzaniya

Iyi ndirimbo iri mu ndimi eshatu zirimo Icyongereza, Igiswahili n'Ikirundi, mu butumwa bwayo uyu muhanzi uri mu bafite izina rikomeye mu Karere, aba agaruka ku mahoro n'ubumwe ko ari byo bikwiye kuranga abantu by'umwihariko yitsa ku bihugu bya Sudan, Tanzania na Repubulika Iharanira Demokarasi ya Congo.

Ni indirimbo yakiriwe neza n'Abatanzaniya bamwe bashimira Bien ko yakoze igihangano nk'iki mu gihe muri Tanzania hamaze iminsi hari ibibazo byaturutse ku myigaragambyo yahabaye mu mpera z'ukwezi gushize nyuma y'amatora y'umukuru w'igihugu.

Ku ruhande rw'abaturanyi ba Tanzania, b'Abarundi bo bamwe iyi ndirimbo ikijya hanze babaye nkabibutse Bien ko ari igihangano cy'umunyabigwi wabo Canjo Amissi yakoresheje biturutse ku ndirimbo ye 'Umugabo w'Ukuri' byumvikana ko yayirebeyeho.

Bien yaje kugaragaza ko ibi ari ukuri ndetse n'ishyiramwe ry'abaririmbyi mu Burundi ryemeza ko uyu muhanzi yagiranye ibiganiro n'umuryango wa nyakwigendera Canjo Amissi, ku bijyanye no gukoresha igihangano cye.

Reba indirimbo 'AH' Bien yakuye inganzo yayo ku ya Canjo Amissi