Burna Boy yatunze agatoki Abanyamakuru b'i Burayi

Mu minsi yashize nibwo ku mbuga nkoranyambaga z'Abanyamakuru bo mu bihugu by'i Burayi hagaragaye amafoto ya Burna Boy yo mu myaka yashize yarogoshe ubwanwa bwe bwose batangira kuvuga ko "uyu muhanzi burya abeshya imyaka ye atari 32 ahubwo ari umuntu ukuze wamaze kurenza iyi myaka", ibyatumye agarukwaho cyane hirya no hino kubera ayo mafoto amugaragaza yogoshe ubwanwa bitera urujijo abantu kuko yasaga nk'umuntu ukuze.

Ibi byaje gutuma Burna Boy yifashisha urukuta rwe rwa Instagram yihanangiraza aba banyamakuru b'i Burayi bakunda kumuvugaho ibintu by'amafuti  nko kuvuga ko ashaje, kogosha ubwanwa n'ibindi bidafite ishingiro aho kureba ku bigwi n'ubuhanga afite mu muziki cyane ko ari byo bifite akamaro kurusha izo nkuru zidahwitse, avuga ko n'ayo mafoto bari gukoresha ari ayo mu mwaka wa 2021 aribwo yogoshe ubwanwa bwe atari ubu.

Uyu muhanzi kandi yahise agaruka no ku banyamakuru bo muri Nigeria yajyaga ahora ashinza ubunyamwuga bucye, abasaba imbabazi ababwira ko burya bwose yabarenganyaga abasaba imbabazi kuko yamaze kubona aho iyo mico yose bafite bayikuye.