Bruce Melodie ahataniye igihembo na Wizkid
Umuhanzi nyarwanda Bruce Melodie yashyizwe mu bahataniye igihembo cy'umuhanzi mwiza w'umugabo mu bihembo bya Africa Golden Awards.
Itahiwacu Bruce Melodie umaze kwamamara mu bihugu bitandukanye byo muri Afurika yagaragaye mu bahanzi b'ibikomerezwa bo muri Afurika barimo Davido na Burna Boy, aho ahatanye na bo ku gihembo cy'umuhanzi mwiza w'umugabo muri Afurika mu bihembo bya Africa Golden Awards.
Ku rutonde rw' abahanzi bahataniye icyo gihembo Bruce Melodie ni we muhanzi w'Umunyarwanda urimo gusa.
Ahatanye n'abahanzi bubatse ibigwi mu muziki w'Afurika no hanze yaho.
Abo bahanzi bahatanye ni Davido, Black Sherif, Asake, Casper Nyovest, Sharmaboy, Bien Aime Baraza, Dayax Dalnuurshe, Fally Ipupa, Tyler ICU, Wizkid, Soolking, Burna Boy, Diamond Platnumz, Wegz, Shatta Wale, Focalistic na Shallipopi.
Ni ibihembo bizatangirwa i Nairobi muri Kenya ku wa 03 Gicurasi 2025.
Abandi Banyarwanda bahataniye igihembo muri byo ni DJ Sonia uhataniye igihembo cy'umugore uvanga umuziki mwiza w'umwaka na Japheth Mazimpaka uhataniye igihembo cy' umunyamakuru mwiza.
Bruce Melodie ahataniye igihembo n'abarimo Davido na Wizkid
Abarimo DJ Sonia, Japhet Mazimpaka na Michael bahataniyemo ibihembo
What's Your Reaction?
