Bobi Wine yagiriye inama Traoré wakuyeho Komisiyo y'Amatora muri Burkina Faso
Bobi Wine uri mu banyepolitike batavuga rumwe n'ubutegetsi bwa Uganda yagiriye inama Perezida wa Burkina Faso, Capt. Ibrahim Traoré kugaruraho Komisiyo y'Amatora.
Ku wa 17 Nyakanga nibwo Perezida wa Burkina Faso, Ibrahim Traoré yatunguranye yemeza ko hakuweho Komisiyo y'Amatora muri Burkina Faso kuko basanze barya ay'ubusa.
Mu kiganiro Bobi Wine yagiranye na podcast izwi nka SMWX yo muri Afurika y'Epfo, yavuze ko byaba byiza ayigaruyeho, abaturage bagahamya urwo bamukunda.
Yagize ati:"Nizeye neza ko abaturage ba Burkina Faso bakunda Perezida Traoré. Ku bw' ibyo rero, byari kuba byiza iyo abaha amahirwe yo kumwitorera bakamwereka ko ari umukozi wabo atari umuyobozi banga. Ibyo ni ibitekerezo byanjye."
Perezida Capt. Ibrahim Traoré uri mu kigero cy' imyaka 37 yagiye ku butegetsi muri Nzeri 2022 abuhiritseho Paul-Henri Sandaogo Damiba.
Yari yijeje ko haba amatora muri Nyakanga 2024 birangira atabaye, bivugwa ko azakomeza kuyobora kugeza igihe azabera muri 2029.
Bobi Wine yagiriye inama Perezida wa Burkina Faso, Capt. Traore yo kugaruraho Komisiyo y'Amatora abaturage bakamwitorera
Perezida Capt. Ibrahim Traore yakuyeho Komisiyo y'Amatora mu gihugu cye
What's Your Reaction?
