Baltasar yakatiwe kubera ibitandukanye n'ibyo yamamayemo
Baltasar, umugabo wo mu gihugu cyo mu Burengerazuba bw'Afurika, Guinee Equatoriale, wamenyekanye kubera amashusho yagaragayemo asambana n'abagore batandukanye, yakatiwe gufungwa imyaka 8 kubera icyaha cyo kunyereza umutungo.
Baltasar Ebang Engonga w’imyaka 55 ni mwishywa wa Perezida wa Equatorial Guinea (Guinee Equatoriale),Teodoro Obiang Nguema Mbasogo. Yamenyekanye cyane mu gihugu cye kubera kuba yarayoboye Ikigo cy'Igihugu gishinzwe Iperereza ku by'Imari (ANIF), aho yari ashinzwe gukurikirana ibyaha bijyanye n'uburiganya mu by'imari mu gihugu.
Mu mpera za 2024, Baltasar Engonga yamenyekanye cyane ku ruhando mpuzamahanga nyuma y'uko amashusho y'urukozasoni yagaragaje asambana n'abagore barenga 400, harimo abagore b'abayobozi bakomeye nka mushiki wa Perezida ndetse n'abagore b'abaminisitiri.
Amashusho yagiye hanze akurura impaka nyinshi, bamwe bavuga ko ari igikorwa cyo kumuharabika, abandi bakavuga ko ari ukuri kugaragaza imyitwarire idahwitse y'abayobozi. Nyuma y'iperereza, urukiko rwamugize umwere ku birego bijyanye n’ayo mashusho, kuko byagaragaye ko abagore bose bari bakuru kandi bari hejuru y'imyaka 18, ndetse nta ndwara yandurira mu mibonano mpuzabitsina yabonetse mu bipimo byafashwe.
Uyu mugabo yamaze gukatirwa n’urukiko gufungwa imyaka 8 muri gereza anacibwa ibihumbi 220,000 by’Amadolari (ni miliyoni 318,420,909RWF) ahamijwe icyaha cyo kunyereza umutungo wa Leta.
What's Your Reaction?
