Amerika: Uko Michael Jackson yarokotse igitero cyo ku wa 11 Nzeri 2001
Jermaine, umuvandimwe w'umuhanzi abakunzi b'injyana ya Pop bafata nk'Umwami wayo, Michael Jackson, yahishuye ko uwo muhanzi yarafite kujya mu nama yari kubera muri imwe mu nyubako ya "Twin Towers" zasenywe n'igitero cyo ku wa 11 Nzeri 2001 ariko ntiyajyayo.
Uwitwa Jermaine wamenyekanye nk'umuvandimwe w'umuhanzi, Michael Jackson yatangaje ko ku munsi w'igitero cyahitanye imbaga ku wa 11 Nzeri 2001 yari kwitabira inama yari kubera mu nyubako yasenywe n'indege, ariko we ntiyagiyeyo kubera ibitotsi.
Uyu muvandimwe wa nyakwigendera Michael Jackson yagize ati:"Michael Jackson yari afite gahunda yo kujya mu nama yari kubera muri World Trade Center mu gitondo cyo ku wa 11 Nzeri (9) 2001, ariko yarasinziriye cyane atinda kubyuka birangira asibye iyo nama. Ku rundi ruhande, byamuhaye amahirwe yo kurokoka igitero cyahagabwe ku nyubako ndende z'impanga, Twin Towers."
Kuri icyo gitero, BBC yanditse ko indege enye (4) zashimuswe n'abavuzwe ko ari bo babikoze, umutwe wa Al-Qaeda, ubundi zigonga imiturirwa (Twin Towers) y'ibirango by'Amerika, ubukungu bwayo, politike n'imbaraga z'ingabo zayo.
Habaruwe ko byahitanye abantu bagera ku bihumbi 2,996 biba ibitero bikomeye byagabwe ku butaka bw'Amerika.
Hagati aho, Michael Jackson yatabarutse ku wa 25 Kamena 2009, mu buryo butunguranye, bivugwa ko yazize kunywa ikigero kirengeje cy'imiti yanywaga igabanya uburibwe.
Ibitotsi byatumye Michael Jackson atitabira inama yabereye ahagabwe igitero cyo ku wa 11 Nzeri 2001, Amerika
Ni uko Twin Towers zacubye nyuma yo kugongwa n'indege
What's Your Reaction?
