Amagambo yihariye Miss World 2025, Opal Suchata yavuze kuri Perezida wa Tanzania, Samia Suluhu - AMAFOTO
Perezida wa Tanzania, Samia Suluhu Hassan yagiranye ibiganiro na Miss World 2025, Hasset Dereje n'Igisonga cye cyo muri Ethiopia, Hasset Dereje, bavuga akari ku mutima.
Nyuma y'icyumweru Miss World 2025, Opal Suchata n'Igisonga cye akaba na Miss World Africa 2025, Hasset Dereje basura ibigo n'ibice bitandukanye bya Tanzania, n'itsinda bari kumwe bakiriwe na Perezida Samia Suluhu Hassan bagirana ibiganiro byihariye.
Ibyo biganiro byabereye i Zanzibar ku mugoroba wo ku Cyumweru tariki ya 20 Nyakanga maze Miss World 2025, Opal Suchata ahishura ko burya yigira kuri Perezida wa Tanzania, Dr. Samia Suluhu Hassan.
Bimaze kurangira, Miss Opal yagize ati:"Ambera ikitegererezo kuko ari we mugore wa mbere uyoboye igihugu cya Tanzania."
Uwo umwungirije, Hasset Dereje ukomoka muri Ethiopia we yagize ati:"Uretse kuba ari umuyobozi mwiza ni n'umunyarugwiro; arasetsa agashimisha abashyitsi. Narabikunze."
Ku wa Kabiri w'icyumweru gishize nibwo Miss Opal na Hasset basesekaye muri Tanzania. Byavuzwe ko boherejwe n'ikigo cya Miss World ngo babasuzumire niba icyo gihugu cyazigera cyakira irushanwa rya Miss World riba rimwe mu mwaka.
Perezida Samia Suluhu yagiranye ibiganiro byihariye na Miss World 2025, Opal n'Igisonga cye, Hasset
Aba-minisitiri bari mu ngeri zitandukanye bitabiriye ibyo biganiro
Miss World 2025, Opal na Miss World Africa 2025, Hasset bavuze ko bakiriwe neza muri Tanzania
What's Your Reaction?
