Abarimo Cyusa Ibrahim na Makanyaga Abdoul bagiye guhurira mu gitaramo gisoza umwaka
Umuhanzi w'injyana gakondo, Cyusa Ibrahim ukunzwe cyane mu ndirimbo nka "Imparamba", "Muhoza Wanjye", Inkotanyi Turaganje", n'izindi, agiye guhurira mu gitaramo gisoza umwaka n'abarimo Makanyaga Abdoul, Munyanshoza Dieudonné na Orchestre Impala.
Ni igitaramo cyateguwe na Rusakara Entertainment, kikazabera ahazwi nka Luxury Garden Norvege mu mujyi wa Kigali, ku wa 27 Ukuboza 2025.
Cyusa Ibrahim uzaba ari umuhanzi mukuru, aherutse gushyira hanze umuzingo yise "Muvumwamata" ugizwe n'indirimbo 14 zirimo iyitwa "Inkotanyi Turaganje" ukunzwe cyane muri iyi minsi.
Uretse Cyusa kandi muri iki gitaramo cyiswe "Ingamba mu Nganzo", hazatarama abandi bahanzi nka Makanyaga Abdoul, Munyanshoza Dieudonné, Orchestre Impala, Orchestre Les Fellows, na Dauphin.
Iki gitaramo kizaba kiganjemo abahanzi bakuru muri muzika nyarwanda ndetse n'abakora injyana gakondo, kizaba gikurikira icya Isreal Mbonyi mu kuramya no guhimbaza Imana kizaba kuri Noheli, n'Icyumba cya Rap kizahuriramo abaraperi ku wa 26 Ukuboza 2025.
Orchestre Impala nayo izataramira abazitabira
Umuhanzi akaba n'umucuranzi wa gitari Dauphin na we azaba ari muri iki gitaramo
What's Your Reaction?
-
Twizeyimana AnacletBisabiki
