The Ben yakorogoshoye Bruce Melodie kugeza ku nkweto n'inda
Mu mashusho y'indirimbo "Indabo Zanjye" ya The Ben ibintu byahinduye isura Bruce Melodie yongera kugarukwaho kugeza no ku nkweto n'inda ye yigeze kurikoroza.
Iyi ndirimbo yamaze kujya hanze mu buryo bw'amajwi n'amashusho, The Ben aza asubiza Bruce na we wari wamushotoye mu yo yise "Munyakazi". Hari aho muri iyi ndirimbo The Ben agaragaza umuntu ugiye kubagwa mu buryo buzwi nka 'plastic surgery', bihuzwa na Bruce Melodie wigeze kuvugwaho kwibagisha inda.
Muri aya mashusho kandi hari aho bagaragaza umuntu wambaye inkweto ishaje izizwi nk'inyusi bihuzwa n'izina kinyusi rijya rwitwa Bruce Melodie. Uyu muntu kandi birangira ahawe inkweto nshya zo mu bwoko bwa "Nike Air Force 1".
Ibi byose kandi bigahuzwa n'izina "Indabo Zanjye", burya ngo izi ndabo zivugwa ni izo Bruce Melodie yagiye kwakiriza Kizz Daniel ku kibuga cy’indege mu 2022 akazanga ngo kubera gusuzugura Bruce Melodie wari wambaye inkweto zidashamaje ndetse afite n'inda yagutse.
Indirimbo irangira kandi hari aho The Ben agaragara ari gukina 'Playstation' na yo yigeze kurikoroza hagati ye na Bruce, bivugwa ko bagiye gukorana indirimbo bikadindizwa ni uko Ben aba yikinira iriya mikino.
The Ben na Bruce Melodie baritegura guhurira mu gitaramo ku munsi mukuru w'ubunani
Reba indirimbo ya The Ben "Indabo Zanjye"
What's Your Reaction?
