Uwa mbere akubye inshuro 40 uwa kabiri! Abaperezida 5 bakize cyane ku Isi
Buri gihugu ku Isi gifite abakiyobora barangajwe imbere na Perezida ariko hari n'abakiyoborwa n'Abami. Muri abo Baperezida hari abagwije ifaranga kurusha abandi.
Mugiye kugezwaho Abaperezida batanu ba mbere bakize cyane kuri uyu mubumbe. Muri abo hagaragaramo Umuperezida umwe wo ku mugabane w'Afurika nk'uko byagenzuwe na Forbes Magazine muri Kamena 2025.
5. Perezida wa Equatorial Guinea, Teodoro Obiang Nguema Mbasogo
Teodoro Obiang Nguema Mbasogo yagiye ku butegetsi bwo kuyobora Equatorial Guinea guhera mu mwaka wa 1979, igihe yahirikaga ku butegetsi nyirarume we, Francisco Macias Nguema.
Igitangazamakuru Forbes Magazine cyamubariye ko atunze agera muri miliyoni 600 z' Amadolari ya Leta Zunze Ubumwe z'Amerika (arenga miliyari 800 RWF).
4. Perezida w'U Bushinwa, Xi Jinping
Perezida Xi Jinping watangiye kuyobora U Bushinwa mu mwaka wa 2013 yashoye amafaranga ye mu birimo inganda nka Shenzhen Yuanwei, bimwinjiriza atari make none muri uyu mwaka ari kubarirwa ko atunze agera kuri miliyari 1 n'igice y'Amadolari ya Leta Zunze Ubumwe z'Amerika.
3. Perezida wa Leta Zunze Ubumwe z'Amerika, Donald Trump
Donald Trump aza ku mwanya wa gatatu mu Baperezida bakize kurusha abandi aho Forbes Magazine yasanze atunze agera kuri miliyari 4.9 z' Amadolari ya Leta Zunze Ubumwe z'Amerika.
2. Perezida wa Koreya y'Amajyaruguru (North Korea), Kim Jong Un
Uyu mugabo yavuzweho kuzamura cyane cyangwa se kunguka cyane amafaranga atari make guhera mu mwaka wa 2013.
Hari ubusesenguzi bwakozwe n'ibihugu bihanganye n'igihugu cye; Amerika na South Korea bisanga hari konti zirenga 200 afite mu bihugu birimo U Bushinwa, Austria, Luxembourg, Russia na Switzerland.
Muri rusange abarirwa ko atunze agera muri miliyari 5 z' Amadolari ya Leta Zunze Ubumwe z'Amerika.
- Perezida w'U Burusiya, Vladimir Putin
Perezida Vladimir Putin uri mu Baperezida batinywa dore ko ayobora igihugu cy' igihangange cy' U Burusiya, atunze agera kuri miliyari 200 z' Amadolari ya Leta Zunze Ubumwe z'Amerika.
Yavuzweho kwigwizaho umutungo biciye mu bucuruzi butemewe no kurya ruswa z' abashoramari mpuzamahanga ngo bakorere mu gihugu cye gusa we yakomeje kubihakana.
Ni n’ibintu kandi mu bihe bitandukanye byamaganiwe kure n'umuvugizi we, Dmitry Peskov.
What's Your Reaction?
