Raila Odinga yitabye Imana ku myaka 80
Raila Odinga wabaye Minisitiri w’Intebe wa Kenya, ndetse akaba umwe mu babaye cyane muri politiki ya Kenya yitabye Imana azize uburwayi bw'umutima.
Mu gitondo cyo kuri uyu wa 15 Ukwakira 2025, ni bwo amakuru yasakaye avuga ko uyu musaza w'imyaka 80 y'amavuko yapfiriye mu Buhinde aho yari yagiye kwivuriza.
Ibitangazamaku mpuzamahanga birimo na Kenya Times byanditse ko yari mu rugendo rumufasha kurambura amaguru noneho umutima ugahagarara ahita ko yitura hasi.
Abari hafi y'uyu musaza bihutiye kumujyana mu bitaro bya Devamatha Hospital biherereye i Koothattukulam, biza kurangira aguye mu bitaro bya Kerala.
Raila Odinga yabaye Minisitiri w'Intebe wa Kenya hagati ya 2008-2013. Odinga kandi yiyamamarije kuba Perezida w'iki gihugu inshuro 5 gusa zose aratsindwa, kuva mu 1997, 2007, 2013, 2017, ndetse no mu 2022.
Odinga ashimirwa n'abanya-Kenya benshi ko yagize uruhare mu kugira ngo igihugu cye kigire ubwisanzure muri politiki, harimo kugira amashyaka, imiyoborere y'igihugu ndetse n'ubwisanzure mu bukungu.
Raila Odinga yabaye kenshi muri politiki ya Kenya
What's Your Reaction?
