Perezida wa Kenya, William Ruto yahishuye uwegukanye umukobwa we, Charlene wavuzweho kugumirwa

Perezida Ruto uyobora igihugu cya Kenya yatangaje ko umukobwa we, Charlene Ruto w'imyaka 32 yabengutswe n'umusore wo muri Nigeria, ibyo byatumye Ruto yibaza ku basore bo muri Kenya bari gucikwa n'abakobwa beza.

Perezida William Ruto yagize ati:"Umukobwa wanjye yarakunze na we akundwa n'umusore wo muri Nigeria, ni we mugabo we. Ntakibarizwa mu bakobwa bashaka abagabo."

“Ngaruke ku basore bacu, sinzi pe! Muzi gutereta cyangwa se ntabyo muzi? Muriturije? Ubu tugiye guhura n'ikibazo cy' abakobwa beza kandi bazi ubwenge bazaducika bagashakwa n'abo hanze ya Kenya."

Mu bihe bitandukanye Charlene Ruto yagiye agaragaza ko yabuze umugabo. Urugero ubwo yari mu materaniro yabwirijwemo n'umuvugabutumwa wo muri Amerika, Benny Hinn muri Gashyantare 2024 yongoreye uwo muvugabutumwa amusaba ko yamusengera akabona umugabo.

Benny Hinn yahise amusabira ko Imana yamuha umugabo mwiza bazabana akaramata. Icyo gihe abantu baramunenze ko umwana wa Perezida adakwiye kwitwara gutyo imbere y'imbaga abandi bavuga ko ibyo yakoze ari ibisanzwe kandi kubura umukunzi ari ibintu bibaho.

Perezida William Ruto yavuze ko umukobwa we, Charlene Ruto yabonye umugabo wo muri Nigeria

Charlene Ruto w'imyaka 32 yasengeye umugabo none yaramubonye