Ntayo mu Karere k'Afurika y'i Burasirazuba: Kaminuza 10 nziza muri Afurika
Hirya no hino muri Afurika hari gutezwa imbere uburezi ariko hanubakwa kaminuza ngo abasoje amashuri y'isumbuye bajye bajya kuminurizamo. Abanyarwanda bati:"No mu Mena habamo Imanzi." Ni yo mpamvu hari kaminuza nziza kurusha izindi ziri kuri uyu mugabane.
Ni urutonde rwakozwe n’urubuga, QS World University Rankings, rwerekanye ko ibigo bya kaminuza muri Afurika byateye indi ntambwe ikomeye, bigaragaza kuzamuka kwa Afurika mu burezi bwo hejuru. Rwakoze urutonde rwa kaminuza 10 ziri ku rwego rwo hejuru muri Afurika.
Dore urutonde rwa za kaminuza 10 za mbere muri Afurika:
- University of Cape Town (UCT)
Ni kaminuza yo muri Afurika y’Epfo iracyafite umwanya wa mbere muri Afurika, iri ku mwanya wa 150 ku Isi. Ni wo mwanya wayo w’ikirenga mu myaka icumi ishize, watewe n’iterambere ry’ubushakashatsi, imikoranire mpuzamahanga, no kwita ku bumenyi bufitiye akamaro Isi. Yashinzwe mu mwaka wa 1829.
2. University of the Witwatersrand (Wits)
Ni kaminuza yo muri Afurika y’Epfo, iri ku mwanya wa 291 ku Isi, ikindi kigo cyihariye mu bushakashatsi. Yashinzwe mu mwaka wa 1896.
3. Stellenbosch University
Ni kaminuza yo muri Afurika y’Epfo , ikaba iri ku mwanya wa 302 ku isi. Yashinzwe mu mwaka wa 1918.
4. University of Johannesburg (UJ)
Ni kaminuza iherereye muri Afurika y’Epfo, ikaba iri ku mwanya wa 308 ku isi. Iyi kaminuza yashinzwe mu mwaka wa 2005.
5. Cairo University
Ni kaminuza iherereye muri Misiri, iri ku mwanya wa 347, yashinzwe mu mwaka wa 1908. Ikomeje kuba ku isonga mu mashuri yo mu Karere k'Afurika y’Amajyaruguru.
6. The American University in Cairo (AUC)
Ni kaminuza yo mu gihugu cya Misiri ikaba iri ku mwanya wa 381, yashinzwe mu mwaka wa 1908. Ni imwe muri kaminuza zihugura mu rurimi rw’Icyongereza muri icyo gihugu.
7. University of Pretoria
Ni kaminuza yo muri Afurika y’Epfo, iri ku mwanya wa 362, yashinzwe mu mwaka wa 1919. Izwiho kwihagararaho mu by’ubumenyi bw’amatungo (veterinary science), ubucuruzi n’ubukungu.
8. Ain Shams University
Ni kaminuza yo mu gihugu cya Misiri, ikaba iri ku mwanya wa 542, yashinzwe mu mwaka wa 1950 ikora ubushakashatsi mu buvuzi, ingufu zijyanye no kubungabunga ibidukikije n’iterambere ry’imijyi.
9. University of KwaZulu-Natal (UKZN)
Ni kaminuza yo muri Afurika y’Epfo iri ku mwanya wa 558, yashinzwe mu mwaka wa 2004 izwiho ubushakashatsi mu by’ubuzima, ubuhinzi, n’ibindi.
10. Université de Tunis El Manar
Ni kaminuza yo muri Tuniziya iri mu mwanya wa 731–740, ni kaminuza yashinzwe mu mwaka wa 2000, ariko ihagaze neza mu bya siyansi n’ikoranabuhanga.
Afurika y’Epfo itwaye umuvuduko mu burezi bwo hejuru, ifite kaminuza 6 mu 10 za mbere muri Afurika.
Misiri ikomeje kuba intangarugero muri Afurika ya Ruguru, ifite kaminuza 3 muri 10 za mbere. Tuniziya yinjijemo kaminuza imwe ikomeye, ari yo Université de Tunis El Manar. Kaminuza zo mu bihugu by’Afurika yo hagati na Afurika y’Uburengerazuba bikomeje gutera imbere, ariko guhagarara neza ku rwego mpuzamahanga biracyansaba imbaraga n’ishoramari rikomeye.
What's Your Reaction?
