Ni umusore w'imyaka 20: Ibyo wamenya kuri IShowSpeed Perezida wa FIFA, Infantino yasogongeje ku kuyobora FIFA - AMASHUSHO
IShowSpeed umaze kubaka izina ku rubuga rwa YouTube n'inshuro ibye bimaze kurebwa inshuro zirenga miliyari 4, yabonywe na Perezida wa FIFA, Gianni Infantino ahita amuha ikicaro cye ngo abe ayobora FIFA.
Ni ibyabereye ku mukino ufungura igikombe cy' Isi cy' ama-clubs wahuje ikipe ya Inter-Miami na Al Ahly kuri Sitade yitwa Hard Rock i Miami muri Leta Zunze Ubumwe z'Amerika ku wa 15 Kamena 2025.
Nk' uko bigaragara mu mashusho, Perezida w'impuzamashyirahamye z'umupira w'amaguru ku Isi (FIFA), Gianni Infantino yari mu by'icaro bye by'icyubahiro, umusore uri mu bakunzwe kuri YouTube, IShowSpeed (Speed) aba yicaye mu yindi ntebe noneho mu buryo bwo gutera urwenya, ahita amuhamagara akamugira Perezida wa FIFA, ati:"Icara mu ntebe yanjye."
IShowSpeed ayicaramo yishimye cyane, avuga ko abaye Perezida wa FIFA ndetse Cristiano Ronaldo akunda cyane agomba gutwara icyo gikombe cy' Isi cy' ama-clubs.
IShowSpeed [Speed] ni inde?
Amazina ye bwite ni Darren Jason Watkins Jr yavutse ku wa 21 Mutarama 2005, avukira i Cincinnati, Ohio, muri Leta Zunze Ubumwe z'Amerika.
Avuga ko yafunguye shene ye ya YouTube mu mwaka wa 2016, agenda abona abantu benshi bamukurikira none ubu akurikirwa (subscribers) n'abarenga miliyoni 40. Muri rusange amashusho ye yose amaze kurebwaho inshuro zirenga miliyari 4.
Cristiano Ronaldo ni we mukinnyi yihebeye nk' uko adasiba kubigaragaza mu mashusho akunda gusangiza abakoresha imbuga nkoranyambaga.
Uretse kuri YouTube akundwa no kuzindi mbuga nka TikTok kubera amashusho asekeje n'andi akurura amarangamutima ya benshi.
Kanda hano urebe uko Gianni yahagurukiye IShowSpeed
What's Your Reaction?
