Manchester iza ku mwanya wa 50: Dore urutonde rw'imijyi ikize cyane ku Isi

Hirya no hino ku Isi hari imijyi yateye imbere. Gutera imbere kwayo kugaragazwa n'ibikorwaremezo byaho byateye imbere n'abahatuye n'abahakorera baho bakaba barahiriwe n'ubukungu.

Urubuga rwa 'Henley and Partners' ryagaragaje ko imijyi myinshi yateye imbere ari iyo hanze y'umugabane w'Afurika; nta mujyi wo kuri uyu mugane ugaragara muri 50 ya mbere ikize kuri uyu mubumbe utuwe n'abarenga miliyari 8.

Muri urwo rutonde, umujyi wa London mu Bwongereza wakubiswe inshuro n'uwa New York urayobora. Wakurikiwe na The Bay Area w'i San Francisco, hakurikiraho Tokyo na Singapore. Uwa London uri ku mwanya wa 5.

Hagati aho, The Bay Area y'i San Francisco ni iwabo w'abaherwe batunze hejuru ya miliyoni z’Amadolari bagera ku bihumbi 349 n'abatunze miliyari z’Amadolari bagera kuri 60.

Timeout yanditse ko uwa Manchester uri ku mwanya wa 50 kubera ko utuwe n'abatunze hejuru ya miliyoni z’Amadolari bangana na 23,200 naho abatunze miliyari z’Amadolari ni 7.

Dore imijyi 10 ya mbere ikize cyane muri uyu mwaka wa 2024

1. New York

2. The Bay Area

3. Tokyo

4. Singapore

5. London

6. Los Angeles

7. Paris

8. Sydney

9. Hong Kong

10. Beijing

Kanda hano urebe urutonde rwose:https://www.henleyglobal.com/publications/wealthiest-cities-2024