Ikiganiro mpaka hagati ya Donald Trump na Kamala Harris cyasize ugucyocyorana hagati ya Elon Musk na Taylor Swift
Abakandida bari kwiyamamariza kuyobora Leta Zunze z’Amerika; Donald Trump wigeze kuyobora icyo gihugu na Kamala Harris wari Visi-Perezida w’Amerika, bakoze ikiganiro mpaka cyasize uguterana amagambo hagati y’ibyamamare.
Ikiganiro mpaka hagati ya Donald Trump na Kamala Harris cyabaye ku wa 10 Nzeri 2024, cyatumye ibyamamare byari bigikurikiye bihita byerura byerekana uruhande bihagazeho. Taylor Swift yahamije ko ashyigikiye Kamala Harris bituma umuherwe Elon Musk amucyurira.
Birasanzwe ku bakandida bahatanye kuyobora Leta Zunze Ubumwe z’Amerika ko bakora ikiganiro mpaka gitambuka imbona nkubone kuri Televiziyo iba yahiswemo yo muri icyo gihugu, cyiba cyiyobowe n’abanyamakuru.
No muri iki gihe bari mu bihe byo kwiyamamaza mu matora azashyirwaho akadomo mu Ugushyingo 2024, abahatanye uko ari babiri; Kamala Harris na Donald Trump bakoreye ikiganiro mpaka i Philadelphia gitambuka kuri Televiziyo ya ABC News, cyiyobowe n’abanyamakuru babiri: David Muir na Linsey Davis.
Icyo kiganiro mpaka cyimaze kurangira, Taylor Swift yahise aca ku rubuga rwa Instagram agaragaraza ko mu buryo bweruye ashyigikiye Kamala Harris kandi ari we azatora kuko ari we ufite intumbero nziza zo kurinda no guteza imbere Amerika.
Hari ijambo yakoresheje ryahoze rigarukwaho mu mateka ‘Childless cat lady.’ Iri jambo risobanura umugore udafite umwana, yarikoresheje mu buryo buzimije ariko risobanuye byinshi haba kuri Kamala Harris na Taylor Swift.
Kamala Harris yashatse umugabo witwa Douglas Emhoff afite imyaka 49, birumvikana ko yari yararengeje igihe cyo kubyara, yamusanganye abana ababwira ko bagomba kumufata nka mama wabo, na we akabafata nk’abo yibyariye, yarabareze nk’abana be. Mu by’ukuri, nta mwana yigeze abyarira uwo mugabo we.
Ku rundi ruhande, Taylor Swift agejeje mu myaka 34 akiruka mu by’urukundo atarabona uwo babana, ubu ari mu rukundo n’umukinnyi w’umupira w’amaguru w’Abanyamerika, Travis Kelce.
Yagize ati:”Taylor ni byiza[…] nutsinda […] nzaguha umwana kandi nite (kwita ku kintu) ku njangwe zawe ubuzima bwanjye bwose.”
Abantu batari bake hirya no hino ku Isi bategerezanyije amatsiko ibizava mu matora azaba mu Ugushyingo uyu mwaka y’Umukuru w’Igihugu wa Leta Zunze Ubumwe z’Amerika.
Elon Musk yihaye intego ko Kamala Harris natsinda amatora azaha umwana Taylor Swift
What's Your Reaction?
