Hari ubwatwaye miliyari 800 RWF: Menya ubukwe 10 bwatwaye amafaranga menshi

Si mu Rwanda gusa babushyiramo imbaraga bugateguranwa amafaranga menshi, ahubwo n’ab’imahanga babufata nk’ubudasanzwe bagashoramo amafaranga menshi nk'uko byakozweho ubucukumbuzi n'ibitangazamakuru bitandukanye nka CNBC na Medium.

Dore ubukwe 10 bwashowemo amafaranga menshi 

10. Ubukwe bwa Prince William na Kate Middleton

Ni ubukwe bw’Igikomangoma cy’U Bwongereza cyashyingiranywe n’umugore, Kate Middleton, ubukwe bwabo bwatwaye miliyoni 34 z’Amadolari, aya ni miliyari 49,011,000,000 RWF muri Mata 2011.

9. Angelababy na Huang Xiaoming

Ni ubukwe bw’ibyamamare mu gukina filime; Angelababy na Huang Xiaoming bwabaye mu mwaka wa 2015 butwara agera kuri miliyoni 35 z’Amadolari, aya ni miliyari 50,641,475,500 RWF.

8. Ubukwe bwa Prince Harry na Meghan Markle

Ni ubukwe bw’igikomangoma cy’U Bwongereza, Prince Harry washakanye n’uwahoze ari umukinnyikazi wa filime, Megan Mackle, bwatwaye agera kuri miliyoni 45 z’Amadolari, aya angana na miliyari 64,867,500,000 RWF, hari muri Gicurasi 2025.

7. Ubukwe bwa Jeff Bezos na Lauren Sanchez

Ni ubukwe bw’umuherwe Jeff Bezos na Lauren Sanchez bwaye muri Kamena 2025 bubera mu Butaliyani. Bwatwaye agera kuri miliyoni 56 z’Amadolari, angana na miliyari 81,026,360,800 RWF.

6. Ubukwe bwa Napoleon na Louise-Marie

Ni ubukwe busubiza abantu mu mateka yo mu mwaka wa 1810, igihe Napoleon uzwi nk’uwayoboye U Bufaransa yashyingiranwaga na Marie-Louise, icyo gihe ubukwe bwabo bwatwaye miliyoni 68 z’Amadolari, angana na miliyari 98,389,152,400 RWF.

5. Ubukwe bwa Cleopatra na Mark Antony

Ubu bukwe na bwo busubiza abantu mu mwaka wa 30 mbere y’ivuka rya Yesu igihe Uwari Umwamikazi wa Misiri, Cleopatra warushinze n’uwari inshuti y’akadasohoka ya Ceasar wayoboraga Ubwami bwa Roma, Mark Antony.

Iyo habazwe amafaranga yagiye ku bukwe bwabo basanga ari miliyoni 104 z’amadolari, aya ni miliyari 150,477,527,200 RWF.

4. Ubukwe bwa Sheikh Mohammed na Princess Hind

Ni ubukwe bwabo bombi bwabereye mu Burasirazuba bwo hagati mu mwaka wa 1979 butwara agera kuri miliyoni, 137 z’Amadolari. Ayo ni miliyari 198,225,204,100 RWF.

3. Ubukwe bwa Prince Charles na Lady Diana

Ni ubukwe bwakangaranyije Ubwami bw’U Bwongereza bitewe nuko bwari ubw’Igikomangoma cy’ubwo bwami. Bwatwaye agera kuri miliyoni 140 z’Amadolari. Angana na miliyari 202,565,902,000 RWF muri Nyakanga 1981.

2. Ubukwe bwa Anant Ambani na Radhika Merchant

Ubwo bukwe bwabaye mu mwaka wa 2024 ni ubw’umwana w’umuherwe wo mu Buhinde, Mukesh Ambani, Anant Ambani warushinze na Radhika Merchant bwashowemo agera kuri miliyoni 600 z’Amadolari. Angana na miliyari 868,139,580,000 RWF.

1.Ubukwe bwa Khadija Uzhakhova na Said Gutseriev

Ni ubukwe bw’umuhungu w’umunyemari wo mu Burusiya, Mikhail Gutseriev, Said Gutseriev. Ni bwo bukwe bufatwa nk’ubuyoboye urutonde bw’ubukwe bwahenze cyane aho bwatwaye agera kuri miliyari 1 y’Amadolari, aya ni 1,446,899,300,000 RWF, bwabaye mu mwaka wa 2016.