CAF yemeje amatariki Rayon Sports na Al Hilal zizakiniraho
Impuzamashyirahamwe y’Umupira w’Amaguru muri Afurika, CAF, yemeje ko imikino izahuza Rayon Sports na Al Hilal SC mu ijonjora rya kabiri rya CAF Confederation Cup izaba tariki ya 24 n’iya 30 Nzeri 2023.
Mu ibaruwa CAF yandikiye ubuyobozi bw’amakipe yombi, ivuga ko umukino ubanza uzakirwa na Al Hilal SC tariki 24 Nzeri 2023 saa 16:00 kuri Kigali Pelé Stadium.
Yakomeje yibutsa ko iyi kipe yo muri Libya igomba gutegera abasifuzi indege, ikazabishyurira aho bazaba n’ingendo bazakorera imbere mu gihugu, ibifashijwemo na Rayon Sports nk’ikipe iri mu rugo.
Umukino wo kwishyura uteganyijwe tariki 30 Nzeri 2023 uzakirwa na Rayon Sports kuri Kigali Pelé Stadium.
Rayon Sports ikomeje gukorera imyitozo muri Libya, mbere yo kugaruka i Kigali ku wa Gatandatu tariki 16 Nzeri 2023 Saa Tanu ikazagera mu Rwanda ku Cyumweru saa Saba.
Ikipe izasezerera indi izahita ibona itike yerekeza mu matsinda, mu gihe Rayon Sports yabigeraho yaba isubiyemo amateka yakoze mu 2018 icyo gihe yanayavuyemo igera muri ¼.
What's Your Reaction?
