Amakipe atatu yo muri Sudan yakiriwe muri shampiyona y'u Rwanda
Bidasubirwaho amakipe atatu yo muri Sudan yemerewe gukina muri shampiyona y'icyiciro cya mbere mu Rwanda.
Nyuma y'iminsi byibazwa na benshi niba aya makipe yari yasabye ko yakinira umukino yabo mu Rwanda. Federasiyo y'Umupira w'Amaguru mu Rwanda, FERWAFA, kuri uyu wa 24 Ukwakira 2025 yashyize hanze itangazo rihamya ko aya makipe yakiriwe.
Aya makipe ni Al Merrikh S.C itozwa na Darko Novic uheruka gutandukana na APR FC, Al Hilal S.C na yo iheruka gutsinda APR mu mikino ya 1/2 cya CECAFA Kagame CUP 2025, na El Ahli SC Wad Medina.
Nyuma y'umukino w'ishiraniro uhuza APR FC na Rayon Sports, muri shampiyona y'u Rwanda hagiye kwiyongeramo n'uwa Al Merrikh S.C na Al Hilal S.C zihoraho zihanganye cyane muri Sudan.
Impamvu yo kuza muri shampiyona y'u Rwanda kuri aya makipe, n'ibibazo by'intambara bimaze igihe muri Sudan byatumye amakipe abura uko yakina shampiyona.
Al Hilal S.C ni mu makipe 10 akomeye muri Afurika kuri ubu
What's Your Reaction?
