Afurika: Dore urutonde rw' abahanzi 5 bakurikirwa cyane ku rubuga rwa Instagram

Unyarukiye ku rubuga rwa Instagram usangaho amakuru ajyanye n'ibyamamare ibyo bikabamenyekanisha abatabazi bakabakurikira. Umuhanzi wo muri Afurika ukurikirwa n'abantu benshi ni Davido.

Uko iminsi igenda indi igataha ni ko ikoranabuhanga rigenda rigera kuri benshi bakajya mu mujyo wo gukoresha imbuga nkoranyambaga zirimo Instagram. Hikijwe kuri urwo rubuga, Igisubizo.com igiye kukugezaho abahanzi batanu (5) b'Abanyafurika bakurikirwa cyane kuri urwo rubuga.

Davido

David Adedeje Adeleke ni umuhanzi wo mu gihugu cya Nigeria azwi mu muziki nka Davido. Uyu mugabo ni we uyoboye abandi bahanzi bo muri Afurika mu gukurikirwa cyane kuri Instagram afite abamukurikira barenga miliyoni 29.

Tiwa Savage

Tiwa Savage ni umuhanzikazi ukomoka mu gihugu cya Nigeria, yakunzwe hejuru y'umwaka wa 2010 abarizwa mu nzu ireberera inyungu abahanzi ya Mavin Records y'umuherwe, Don Jazzy. Afite abamukurikira kuri Instagram barenga miliyoni 18.7.

Wizkid

Ayodeji Balogun azwi mu muziki nka Wizkid, afatwa nk'umwe mu bahanzi b'icyatwa bo muri Afurika. Kuri Instagram uyu akurikirwa n'abarenga miliyoni 18.2.

Diamond Platnumz

Nasibu Abdul Juma Issack azwi nka Diamond Platnumz akaba mu bahanzi bakomeye bo mu gihugu cya Tanzania. Uyu ari mu bahanzi bakurikirwa na benshi kuri Instagram bagera kuri miliyoni 18.1.

Burna Boy

Burna Boy ni umuhanzi wo mu gihugu cya Nigeria umaze gushyira hanze imizingo y'indirimbo irindwi (7) aritegura gushyira hanze iya munani yise "No Sign Of Weakness," yanatwaye Grammy mu mwaka wa 2021. Azwi kandi nka African Giant agakurikirwa n'abarenga miliyoni 17.6.

Aya makuru yegeranyijwe hifashishijwe urubuga rwa Instagram muri Mutarama 2025. Abantu bakurikira umuntu runaka, biyongera umunsi ku wundi ari nako imibare igenda ihinduka umunota ku munota..