IBANGA RY'UBUZIMA: Mu bikomere havukamo imbaraga

  Amateka mabi wagize si yo agusobanura ahubwo agusigira amasomo, ariko ejo hawe hashingira ku mahitamo ufata uyu munsi, si ku byo wanyuzemo ejo hashize.

  Ntugahitemo kuba imbohe y’ibyakubayeho, ahubwo ujye uhitamo kubigira intambwe zakubaka, aho kuba iminyururu ikuziritse.

  Ibyakubabaje bikwigisa uko wihangana, ibyagushegeshe bikubyarira imbaraga nshya, none ubu ntukemere ko ahahise hagutera ubwoba ku hazaza hawe.

  Ntushobora guhindura ibyo wanyuzemo, ariko ushobora guhitamo uko ubifata n’uko ubigira urufatiro rwo kubaka ubuzima bwiza burenze uko wabitekerezaga.

  Amateka mabi wanyuzemo ni ibimenyetso by’uko warwanye, kandi ugihari, kandi witeguye gukomeza imbere utitaye ku byashatse kugucogoza.

  Reka gutwara umutwaro wa hahise buri munsi, ahubwo uhitemo kujya ugenda uticuza, ahubwo ujye uzirikana ko buri munsi ari amahirwe mashya yo kwiyubaka.

  Iyo uretse ahahise ntihakuyobore, uhinduka umuntu wigenga, uhitamo ejo hazaza hashingiye ku byishimo, amahoro n’intego zawe bwite.

  Ibikomere byawe si igisebo, ni inkuru y’ukuntu ibintu byagukomereye ariko ukarokoka, none ukaba utangiye kubaho utekanye kurusha mbere.

Philemon Burgin