IBANGA RY’UBUZIMA: Ikaramu irakomeye kuruta inkota, soma neza aya magambo ijambo kurindi

1. Abasabiriza ntibashobora kuba abahitamo cyangwa ntibashobora guhabwa amahirwe yo guhitamo ibyo bashaka, niyo mpamvu byakabaye byiza ushatse uburyo wakwigira kugirango ujye wifatira imyanzuro.

Niba uri mubihe bibi umuntu agashaka kugufasha, ugomba gufata ibyo aguhaye kandi ntugomba gusaba byinshi cyangwa ngo uhitemo ibyo agufashisha utegereza ibyo aguha.

Urugero; iyo uri umushomeri, baguha akazi udashaka utanakunda, ariko ugomba kubyemera kuko ntayandi mahitamo ufite. Abasabiriza ntibashobora kugira amahitamo, bafata ibije. Gerageza gushaka uko wihesha agaciro, nawe ugere igihe cyo kwifatira imyanzuro.

2. Abantu baba munzu y'ibirahure ntibagomba gutera abandi amabuye, icyo bishatse kuvuga ntukagaye umuntu niba nawe udatunganye, ntukabe indyarya.

Kuki uhora utesha umuntu umutwe kubera gutwarwa na terefone ye? Umaze imyaka 20 unywa itabi kandi ntushobora kubireka. Abantu baba munzu y'ibirahure ntibagomba gutera abandi amabuye kuko nawe isaha n'isaha umuntu akubise ibuye kuri iyo nzu yawe ibirahure byose byamenagurika.

3. Ikaramu irakomeye kuruta inkota; icyo bishatse kuvuga niba ugerageza kumvisha umuntu ikintu, amagambo n'ibitekerezo birakomeye kuruta gukoresha imbaraga z'umubiri (ibi uzabyumva nko muri politike)

Urugero: Tugomba kwirinda iyi ntambara kandi tugakoresha diporomasi kugirango dukemure ibibazo byacu. Ikaramu irakomeye kuruta inkota. 

4. Ushobora kuyobora ifarasi ku mazi, ariko ntushobora gutuma inywa amazi, bishatse kuvuga ko ushobora kugerageza gufasha umuntu ukamuha inama nziza, ariko ntushobora kumuhatira kubyemera cyangwa kubikurikiza

5. Iyo umunwa ufunze isazi ntishobora kwinjira mu kanwa, ibi bisobanura ko rimwe na rimwe biba ari byiza guceceka.

6. Amakosa abiri ntabwo akora ikintu cyanyacyo, bishatse kuvuga ko utagomba kugirira nabi umuntu wakugiriye nabi, nubwo utekereza ko uwo muntu abikwiye. Kuba yagututse ntabwo bivuze ko ari byiza ko utangira gusakaza ibihuha kuri we - amakosa abiri ntabwo akora ikintu kizima.

7. Ushobora gufata isazi nyinshi n'ubuki kuruta kuzifatisha vinegere, bivuze ko byoroshye gutsinda abantu ukoresheje kubumvisha ibintu mu buryo bwiza ndetse ukoresheje ubupfura kuruta guhangana no kuzana iterabwoba.