Shadow

Trump yareze mu rukiko Google, Twitter na Facebook

Trump Files Lawsuits Against Google, Facebook, and Twitter - Sada El balad
                           Donald Trump ntiyishimiye abamuhagaritse ku mbuga nkoranyambaga

Donald Trump wahoze ari perezida wa Amerika  yatanze ikirego mu rukiko arega kompanyi zikomeye z’ikoranabuhanga Google, Twitter na Facebook, avuga ko zanize ubwisanzure bwe.

Iki kirego gihuriweho gishinja kandi abayobozi bakuru b’ibi bigo bitatu.

Konti za Trump kuri izi mbuga nkoranyambaga zahagaritswe mu kwezi kwa mbere kubera kurenga ku mabwiriza yazo nyuma y’imyigaragambyo y’abamushyigikiye ku nteko ishingamategeko ya Amerika.

Kuwa gatatu, Trump iki kirego yakise “amakuru meza cyane ku bwisanzure bwacu bwo kuvuga”.

Mu kiganiro yatangiyemo amakuru ari aho akinira golf i New Jersey, Trump yibasiye izo mbuga nkoranyambaga n’abo mu ishyaka ry’abademokarate, abashinja gushyigikira amakuru atari yo.

Ati: “Turasaba kurangira k’uko guhagarikwa kubi, guhagarika gucecekeshwa, no guhagarika gukanga, gufunga no kubuza muzi neza.”

Ikirego kirasaba urukiko gukuraho kuniga ubwisanzure. Trump yongeyeho ko niba bashobora guhagarika perezida, “bashobora kubikorera buri wese”.

Nta kompanyi n’imwe mu zarezwe iragira icyo ivuga kuri iki kirego, cyashyikirijwe urukiko rwa leta ya Amerika muri Florida.

BBC

Leave a Reply

Your email address will not be published. Required fields are marked *