Shadow

Rayon Sports iracakirana na Enyimba muri ¼ cya CAF Confederations Cup

Intriguing pairings highlight quarters draw

Rayon Sports ihagarariye u Rwanda mu marushanwa ya CAF Confederations Cup izahura na Enyimba F.C yo muri Nigeria muri mu mikino ya kimwe cya kane cy’iri rushanwa, nk’uko byagaragajwe muri tombola yabaye kuri uyu wa Mbere.

Iyi tombola yabereye ku cyicaro cy’Impuzamashyirahamwe y’Umupira w’Amaguru muri Afurika, CAF, i Cairo mu Misiri.

Rayon Sports yabaye iya mbere mu mateka y’u Rwanda igeze muri ¼ cya cy’irushanwa rya CAF Confederations Cup rihuza amakipe yatwaye ibikombe by’igihugu akomokamo, nyuma yo kuva mu itsinda ari iya kabiri inyuma ya USM Alger.

Enyimba FC izaba iri i Kigali mu mukino ubanza hagati ya tariki 14-16 Nzeri naho uwo kwishyura uzabere muri Nigeria hagati ya tariki 21-23 Nzeri 2018.

CARA Brazzaville yo izahura na Raja Casablanca, Al-Masry yo mu Misiri ihure na USM Alger naho AS Vita Club ihure na RS Berkane yo muri Maroc.

Image result for 15TH EDITION OF TOTAL CONFEDERATION CUP..Rayon Sports                                                              Rayon Sports ikomeje kwandika amateka 

Amwe mu mateka ya Enyimba F.C:

Iyi kipe ibarizwa muri Nijeriya mu Mujyi wa Aba ,yashinzwe mu 1976 ikaba. Yagize ibihe byiza kuva mu 2000 kuri ubu ikaba ifatwa nk’ikipe ya mbere muri Nigeria yose.

Ifite ibikombe bibiri bya CAF Champions League, ibikombe bibiri biruta ibindi muri Afurika (Super Cup) birindwi bya shampiyona muri Nigeria na bine by’igihugu.

Ni ubwa mbere iyi kipe igeze kure muri CAF Confederations Cup kuko indi nshuro imwe yitabiriye iri rushanwa mu 2010 yagarukiye muri 1/8 isezerewe na Zanaco yo muri Zambia.

                                                        Enyimbe FC yambara ubururu nka Rayon Sports

 

IGISUBIZO.COM

Leave a Reply

Your email address will not be published. Required fields are marked *