Queen Kalimpinya yitwaye neza muri Safari Rally Kenya
Umunyarwandakazi Queen Kalimpinya yitwaye neza mu isiganwa rikomeye rya Safari Rally Kenya ryasojwe kuri iki Cyumweru, aho yegukanye umwanya wa kabiri mu cyiciro cya Kenya National Rally Championship (KNRC).
Kalimpinya, wari ufatanyije na Ngabo Olivier nk’umufasha we (co-driver), basiganwe bakoresheje imodoka yo mu bwoko bwa Subaru Impreza WRX STi.
Iri rushanwa ryari riri mu byiciro bya World Rally Championship (WRC), aho umushoferi w’Umuyapani Takamoto Katsuta ari we wegukanye intsinzi rusange.
Katsuta, wari kumwe n’umufasha we Aaron Johnston, yatsinze iri siganwa nyuma y’iminsi ine y’irushanwa rikomeye ryanyuze mu mihanda igoye yo muri Kenya.
INDI NKURU WASOMA :Diplomat yijeje abafana be umuvuduko udasanzwe mu mikorere
Katsuta yarangije isiganwa asize amasegonda 27.4 ku mushoferi w’Umufaransa Adrien Fourmaux wa Hyundai, wari kumwe na Alexandre Coria. Umwanya wa gatatu wegukanywe n’Umufinlande Sami Pajari ukinira ikipe ya Toyota.
Iyi ntsinzi yabaye amateka kuri Katsuta w’imyaka 32, kuko ari ubwa mbere yegukanye isiganwa rya WRC kuva yatangira kwitabira iri rushanwa rikomeye ku rwego rw’isi.
What's Your Reaction?
