Shadow

Perezida Magufuri wa Tanzaniya ntakozwa ibyo kuboneza urubyaro

Perezida wa Tanzania, John Pombe Magufuli, yagiriye inama abagore yo guhagarika uburyo bwo kuboneza urubyaro, avuga ko igihugu cye gikeneye abaturage benshi.

           Image result for pombe magufuli

Mu ijambo yagejeje ku baturage kuri iki cyumweru, Perezida Magufuli yabwiye abaturage ko ari abahinzi n’aborozi bakomeye bityo bashobora kugaburira abana babo, bityo badakwiye kwirirwa baboneza urubyaro.

Nk’uko ikinyamakuru The Citizen cyabitangaje, Magufuli yakomeje agira ati “Iki ni igitekerezo cyanjye, nta mpamvu mbona yo kuboneza urubyaro muri Tanzania.”

“Nagiye mu Burayi n’ahandi henshi. Aho hose nagiye mbona ingaruka mbi zo kuboneza urubyaro. Mu bihugu bimwe umubare w’abaturage uri kugenda ugabanuka. Bari kubura abakozi.”

Magufuli yasabye abaturage kwima amatwi inama bahabwa n’abanyamahanga, ati “abagore bakwiye guhagarika uburyo bwo kuboneza urubyaro.”

Mu 2016, nyuma yo gutangaza ko kwiga amashuri abanza n’ayisumbuye muri Tanzania ari ubuntu, nabwo Magufuli yasabye abaturage kubyara abana benshi kuko uburezi buhendutse.

Kuri ubu Tanzania ifite abaturage barenga miliyoni 60 mu gihe mu 1961 nyuma y’ubwigenge yari ifite miliyoni 10.

BBBC/IGISUBIZO.COM

Leave a Reply

Your email address will not be published. Required fields are marked *