Shadow

Mu mikino Nyafurika APR izahura na Club Africain naho Mukura icakirane na Free State Stars

Impuzamashyirahamwe y’umupira w’amaguru muri Afurika “CAF” yamaze gushyira ahagaragara uko imikino y’Afurika y’amakipe yabaye aya mbere ndetse n’ayitwaye neza iwayo uko azahura.

Tombola yabaye tariki 03 Ugushyingo 2018 gusa iyi gahunda yatangajwe tariki 09 Ugushyingo 2018.

Ikipe ya APR FC yegukanye igikombe cya shampiyona ya 2017-2018 ikaba izahagararira u Rwanda mu mikino y’Afurika y’amakipe yabaye aya mbere iwayo “Total CAF Champions League 2018-2019” yambuye ikipe ya Club Africain yo muri Tunizia.

Umukino ubanza uzabera mu Rwanda hagati y’itariki ya 27 na 28 Ugushyingo 2018 naho umukino wo kwishyura ubere muri Tunizia hagati y’itariki ya 4 n’iya 5 Ukuboza 2018.Image result for APR vs Mukura         APR FC izahura na Club Africain yo muri Tunizia mu mikino y’Afurika zikaba zaherukaga guhura muri 2011

Izi kipe hari hashize imyaka 7 kuko zaherukaga guhura muri 2011 aho Club Africain yasezereye APR FC ku bitego 6-2. Umukino ubanza wabereye i Kigali, APR FC yanganyije na Club Africain ibitego 2-2 naho umukino wo kwishyura Club Africain itsinda APR FC ibitego 4-0.

Muri iri jonjora ry’ibanze, ikipe izakomeza hagati ya APR FC na Club Africain izahura mu kiciro cya kabiri n’izakomeza hagati ya Al Hilal yo muri Sudani na JKU yo muri Zanzibar.

 

Mukura izahura na Free State Stars yo muri Afurika y’Epfo

Ikipe ya Mukura yegukanye igikombe cya shampiyona cya 2018 ni yo izahagararira u Rwanda mu mikino y’Afurika y’amakipe yitwaye neza iwayo “Total CAF Confederation Cup 2018-2019”.

Iyi kipe ya Mukura ibarizwa mu Karere ka Huye ikaba iheruka mu mikino y’Afurika muri 2001 yatomboye ikipe ya Free State Stars yo muri Afurika y’Epfo.

Umukino ubanza uzabera muri Afurika y’Epfo hagati y’itariki 27 na 28 Ugushyingo 2018 naho umukino wo kwishyura ubere mu Rwanda kuri Sitade Huye hagati y’itariki 04 na 05 Ukuboza 2018.

Ikipe ya Free State Stars ni ubwa mbere igiye kwitabira imikino y’Afurika kuva yashingwa mu 1977. Iyi kipe ikinamo umukinnyi w’umunyarwanda, Kwizera Olivier usanzwe ari n’umunyezamu w’ikipe y’igihugu y’u Rwanda.

Free State Stars kuva 2017 Iyi kipe irimo gutozwa n’umubiligi, Luc Eymael wigeze kuba umutoza w’ikipe ya Rayon Sports muri 2014.

Hagati ya Mukura na Free State Stars, ikipe izabasha gukomeza izahura n’ikipe Al Hilal Obeid yo muri Sudani mu kiciro cya kabiri yo ikaba itarakinnye imikino y’ikiciro kibaza.

Izi kipe zigiye guserukira u Rwanda zifite intego yo gukora cyane kugira ngo zizabashe gutera ikirenge mu cya Rayon Sports aho yageze muri ¼ mu mikino y’Afurika iheruka y’amakipe yitwaye neza iwayo “Total CAF Confederation Cup 2018”.

Related image

 

 

 

Imvahonshya/IGISUBIZO.COM

Leave a Reply

Your email address will not be published. Required fields are marked *