Shadow

Madagascar: Abasirikare 65 bazamuriwe icyarimwe ku ntera ya Jenerali

Muri Madagascar kuri uyu wa gatatu tariki 12 Nzeri habaye muhango wo guha ku mugaragaro abasirikare amapeti nkuko byemejwe mu nama y’abaminisitiri  yo kuwa 6 Nzeri uyu mwaka,inama yari iyobowe na perezida w’iki gihugu ucyuye igihe Hery Rajaonarimampianina.

Muri uyu muhango wayobowe na minisitiri  w’ingabo Béni Xavier Rasolofonirina,hagaragaye ibidasanzwe haba muri Madagascar ,muri Afurika ndetse no ku isi hose aho abasirikare 65 bose bazamuriwe umunsi umwe ku rwego rwa jenerari.

Image result for Madagascar Soixante cinq officiers promus généraux                                                         Abasirikare mu nzego zitandukanye bahabwa amapeti

Minisitiri w’ingabo yagarutse k’umubare udasanzwe w’abazamuwe mu ntera bikavugisha benshi,baba abo mu guhugu imbere ndetse n’abo mu mahanga,bavuga ko izamurwa ryabo ridasobanutse cyane ko ibyo bagendeyeho bazamurwa bitasobanuwe muri rubanda.Minisitiri Rasolofonirina yibukije ko aba basirikare bazamuwe na perezida wa repuburika kandi ibyo yakoze abifitiye ububasha ahabwa n’amategeko.

Icyemezo cyo kuzamura abo mu nzego z’umutekano mu ntera cyafashwe na Perezida Hery Rajaonarimampianina umunsi umwe mbere yuko yegura ku mwanya wa perezida. Nkuko amategeko ya Madagascar abitegenya ko perezida yegura mbere y’iminsi 60 ngo amatora abe.

Abasesenguzi ba politiki bavuga ko ibi perezida Hery Rajaonarimampianina yasize akoze ari uburyo bwo kwiyegereza inzego z’umutekano n’igisirikare kugira ngo zizamufashe kongera gutsinda amatora y’umukuru w’igihugu ateguwe mu mu kwezi ku Ugushyingo uyu mwaka, Rajaonarimampianina nawe akazayahatanamo.

Bimaze kuba nk’akamenyero ko abasirikare muri Madagascar bagushwa neza n’abanyeporitike ku bw’inyungu baba babategerejeho.

mondeafrique/IGISUBIZO.COM

Leave a Reply

Your email address will not be published. Required fields are marked *