Shadow

Jose Mourinho yirukanywe muri Tottenham

Jose Mourinho yirukanwe na Tottenham Hotspur nyuma y’amezi 17 ayitoza.

Uyu Munya-Portugal w’imyaka 58 yari yasimbuye Umunya-Argentina Mauricio Pochettino mu kwezi kwa cumi na kumwe mu 2019, ageza iyi kipe ku mwanya wa gatandatu mu mwaka ushize w’imikino.

Jose Mourinho's Newcastle connection and Sunderland legend's relegation dig  at the Magpies - Chronicle Live

Kuri ubu Tottenham iri ku mwanya wa karindwi ku rutonde rwa shampiyona, nyuma yo kubona amanota abiri mu mikino itatu iheruka gukina, ndetse mu kwezi kwa gatatu yasezerewe mu irushanwa rya Europa League.

Tottenham izakina na Manchester City ku mukino wa nyuma w’igikombe cya Carabao Cup, ku itariki ya 25 y’uku kwezi kwa kane.

Ku cyumweru, Tottenham yabaye imwe mu makipe atandatu yo muri Premier League atangaje ko yinjiye mu irushanwa rishya ry’i Burayi rya European Super League.

Itsinda ry’abatoza bafatanyaga na Mourinho – Joao Sacramento, Nuno Santos, Carlos Lalin na Giovanni Cerra – na bo birukanwe.

Daniel Levy, umukuru wa Tottenham, yagize ati: “Jose n’abatoza bakoranaga babanye natwe muri bimwe mu bihe bigoye cyane twanyuzemo nk’ikipe”.

“Jose ni umunyamwuga wa nyawe wagaragaje kwihangana cyane muri iki cyorezo [cya coronavirus]”.

“Ku ruhande rwanjye bwite naryohewe no gukorana na we kandi ndicuza kubona ibintu bitaragenze uko twembi twabiteganyaga”.

“Iteka azahora yisanga hano ndetse twifuzaga kumushimira n’abatoza bakoranaga ku musanzu wabo”.

Muri uyu mwaka w’imikino, Mourinho yatsinzwe imikino 10 ya shampiyona. Ni bwo bwa mbere yari atsinzwe imikino ingana gutyo mu mwaka umwe kuva yatangira ubutoza.

Nta kipe n’imwe yindi yo muri Premier League yatakaje amanota menshi yashoboraga gutsindira kurusha Tottenham, yatakaje amanota 20.

Umukino wa nyuma nk’umutoza wa Tottenham wabaye uwo Mourinho yanganyijemo na Everton 2-2 ku wa gatanu.

Ryan Mason, wahoze akina hagati muri Tottenham wari umaze igihe atoza mu ikipe y’abato ya Tottenham, ni we uzagutoza ikipe nkuru kuri uyu wa mbere.

BBC

Leave a Reply

Your email address will not be published. Required fields are marked *