Shadow

Gasogi United ya KNC na Heroes zageze mu cyiciro cya mbere

Ikipe ya Gasogi United na Heroes zinjiye mu mateka ya ruhago nyuma yo kwitwara neza mu mikino ya nyuma ya 1/2 yabaye kuri uyu wa gatatu tariki 24 Nyakanga, yagaragaje ikipe ebyiri za mbere mu kiciro cya kabiri zigomba kuzamuka zikazakina umwaka w’imikino utaha mu kiciro cya mbere,izi kipe zombi zisimbuye Amagaju FC na Kirehe fc zamanutse mu kiciro cya kabiri.

Bamwe mu bakinnyi ba Gasogi United-foto KT

Gasogi United yabigezeho nyuma yo gusezerera Sorwathe mu mukino wabereye kuri stade ya Kigali amakipe yombi anganya 1-1 ariko Gasogi ikomeza kuko umukino ubanza wari wabereye I Kinihira yari yabashije kuhatsindira igitego 1-0 bityo ikaba yazamutse ku giteranyo cy’ibitego 2-1.

KNC Perezida wa Gasogi United ngo baje kwerekana itandukaniro

Ku rundi ruhande ikipe ya Heroes nayo yabashije kuzamuka nyuma y’umukino w’ishiraniro yatsinzwemo na Etoile de l’Est ibitego 3-1 i Ngoma, ariko iba ari yo izamuka kuko mu mukino ubanza yari yabashije gutsinda ibitego 2-0 bityo igitego yatsindiye hanze kiyifasha kuzamuka kuko igiteranyo cy’imikino yombi cyari 3-3.

Heroes FC mu cyiciro cya mbere ngo izanye ruhago mu ndagagaciro nkirisitu

Leave a Reply

Your email address will not be published. Required fields are marked *