Shadow

Donald Trump arashaka kongera kuyobora Amerika

Uwahoze ari Perezida wa Leta Zunze Ubumwe za Amerika Donald Trump ageze kure umugambi wo kugaruka ku butegetsi nyuma y’uko atsinzwe amatora mu mpera z’umwaka ushize.

DONALD TRUMP 2024: The controversial former US President looks like he'll run again - YouTube
                           Donald Trump yamaze kunoza umugambi wo gusubira muri White House

Trump watsinzwe na Joe Biden mu matora y’Umukuru w’Igihugu yabaye mu mwaka ushize, biranavugwa ko ari gukora hasi hejuru ashaka uko yazasubira ku butegetsi mu 2024.

Inkuru yatangajwe na CNN ivuga ko Trump atari yiteguye gutakaza umwanya we nka perizida wa Leta Zunze Ubumwe za Amerika bikaba byaratumye agerageza guhindura amategeko ubwo yari akiri ku butegetsi.

Uyu mugabo wabaye perezida nyuma y’uko yari asanzwe amenyerewe mu bushabitsi butandukanye anazwi nk’umuherwe, mu makuru amwerekeye ariho kuri ubu ahamya ko ageze kure umugambi wo kwisubiza ubutegetsi akaba yarahisemo gushora akayabo ka miliyoni 100 z’amadolari ya Amerika agamije kuzongera kwisanga muri ‘White House’ mu matora ateganyijwe mu 2024.

Hari ababifata nk’igikorwa cyaba ari agahomamunwa no gukandagira ihame rya demokarasi muri Amerika cyane cyane ku muntu nka Trump wari ugiye kweguzwa n’Inteko Ishinga Amategeko no gutakarizwa icyizere akiri ku butegetsi.

Bamwe mu Ba-Démocrates bari mu nzego z’ubutegetsi muri Amerika ngo bahangayikishijwe n’uko hari abo mu Ishyaka ry’Aba-Républicains na bo bari mu nzego nkuru z’ubutegetsi muri icyo gihugu kandi biteguye gufasha Trump kuba yazongera kwisubiza ubutegetsi mu gihe akomeje kuvugwaho imigirire idaha agaciro demokarasi nk’uko abatavuga rumwe na we babihamya.

Nyuma yo gutsindwa amatora, perezida Trump ngo yasabaga ko abo mu rwego rw’ubutabera bamufasha bakavuga ko amatora yabayemo uburiganya, ariko bamubera ibamba.

Byageze ubwo kutava ku izima kwe kwaganishije ku myigaragambyo ikaze yakozwe n’abamushyigikiye yabereye ku Ngoro y’Inteko Ishinga Amategeko ya Amerika Capitol, ndetse bamwe bahasiga ubuzima.

GOP frets behind the scenes over potential Trump 2024 bid - POLITICO
                                    Hari abambariye kumushyigikira ngo abasubize ubuhangange

 

 

Leave a Reply

Your email address will not be published. Required fields are marked *