Shadow

Chelsea yegukanye igikombe cya UEFA Champions League ku nshuro ya kabiri itsinze Manchester City

Umukino wa nyuma wabaye mu ijoro ry’uyu wa Gatandatu tariki ya 29 Gicurasi 2021, ubera Estádio de Dragão yo muri Portugal ugahuza amakipe Chelsea na Manchester City yombi yo mu Bwongereza,warangiye Chelsea itsinze igitego kimwe cyatsinzwe na Kai Havertz.


Abakinnyi ba Chelsea mu byishimo byo gutwara igikombe

Chelsea yaherukaga iki gikombe muri 2012, wabonaga ari yo ikina neza kurusha Manchester City iza no kubyaza umusaruro amahirwe yabonye ku munota wa 42 ubwo Kai Havertz yafunguraga amazamu ku mupira yari acomekewe na Mason Mount.

Mu gice cya mbere cy’umukino nta mahirwe menshi Manchester City yabonye uretse nko ku munota wa 7 Raheem Sterling utabashije kubyaza umusaruro amahirwe yabonye.

Manchester City mu gice cya kabiri yashyize igitutu kuri Chelsea ishaka kwishyura iki gitego ndetse ibona n’amahirwe ariko ntibyagira icyo bitanga.

Umukino warangiye ari 1-0, Chelsea yegukana igikombe cya kabiri cya UEFA Champions League, ni nyuma y’icyo yatwaye muri 2012 itsinze Bayern Munich kuri penaliti 4-3, Chelsea 2008 yari yatsindiwe nayo kuri penaliti ku mukino wa nyuma na Manchester United.


                                                     Kai Havertz watsinze igitego cy’intsinzi

Chelsea manager Thomas Tuchel celebrates Kai Havertz's opening goal in the Champions League final
 Umutoza wa Chelsea Thomas Tuchel yashimangiye ko ari umutoza ukomeye

Leave a Reply

Your email address will not be published. Required fields are marked *