Shadow

Blaise Compaoré agiye kugezwa mu rukiko aryozwa urupfu rwa Sankara

Urukiko rwa Gisirikare muri Burkina Faso rwemeje ko Blaise Compaoré wahoze ayobora icyo guhugu atangira gukurikiranwa ku ruhare yaba yaragize mu rupfu rwa Thomas Sankara, wishwe mu myaka 34 ishize.

Burkina Faso: Blaise Compaoré vai ser julgado pelo homicídio de Thomas  Sankara | NOTÍCIAS | DW | 13.04.2021
 Compaore agiye kuryozwa urupfu rwa Sankara 

Urukiko rwemeje ko Compaoré uri mu buhungiro muri Côte d’Ivoire guhera ubwo yavaga ku butegetsi mu 2014, agomba gukurikiranwaho ibyaha birimo kubangamira umutekano w’igihugu, kugira uruhare mu bwicanyi no guhishira imirambo mu kirego kijyanye n’urupfu rwa Thomas Sankara.

Sankara yishwe ku myaka 37 mu ihirikwa ry’ubutegetsi ryo ku wa 15 Ukwakira 1987, ryicaje ku ntebe uwo yibeshyaga ko ari inshuti ye Blaise Compaoré. Mu myaka 27 yamaze ategeka Burkina Faso, kuvuga ku rupfu rwa Sankara byafatwaga nk’ikizira.

Nyuma yaho yirukaniwe k’ubutegetsi na rubanda rwari rumurambiwe dore ko yari yarigize ikitabashwa,amajwi amusabira kugezwa imbere y’ubutabera  ngo aryozwe ibyo yakoze akiri ku butegtsi yakomeje kwiyongera.

Guhera mu 2016 ibintu byarahindutse, atangira gukurikiranwa hamwe na General Diendéré wari umuntu we wa hafi. Muri urwo rubanza abantu 14 nibo bagomba kugezwa imbere y’urukiko.

Hari amakuru ko bigoye ko Compaoré yakoherezwa muri Burkina Faso ngo aburanishwe, kuko yamaze kubona ubwenegihugu bwa Côte d’Ivoire kubera umugore we ari ho akomoka.

 

Leave a Reply

Your email address will not be published. Required fields are marked *