Shadow

Rwanda ku mwanya wa 29 mu koroshya ishoramari ku isi

U Rwanda rwaje ku mwanya wa 29 mu bihugu byose byo ku isi byorohereza abashoramari muri raporo ya Banki y’Isi mu bucuruzi y’umwaka wa 2019, yasohotse kuri uyu gatatu, rukaba ruje kuri uyu mwanya ruvuye kuwa 41 rwariho umwaka ushize.

Image result for Doing Business Report..Rwanda 2018

Clare Akamanzi, Umuyobozi Mukuru w’Urwego rw’Igihugu rw’Iterambere agira ati “Dushimishijwe no kuba twakuyeho imyanya 12 tukagera kuri 29, tuvuye kuri 41 twariho muri raporo y’umwaka ushize.”

U Rwanda ruracyari ku mwanya wa kabiri ku isi mu korohereza abashomari mu kwandikisha ibikorwa byayo, naho rukaba ruza ku mwanya wa gatatu ku isi mu gutanga amakuru yizewe ndetse no koroshya inzira zo kuyabona nk’uko iyi raporo ibyerekena.

Mu 2018, nabwo u Rwanda rwari ku rutonde ry’ibihugu icumi bya mbere byakoze amavugurura mu koroshya ishomari.

Muri iki kegeranyo cya Banki y’Isi, u Rwanda ni cyo gihugu cyonyine gifite ubukungu bukiri hasi kiza mu bihugu 30 bya mbere.

Hafi 75% by’ibihugu 30 bya mbere, ni ibihugu bikize, bifite abaturage umwe yinjiza amadolari y’Amerika ari hejuru y’ibihumbi 12.

Mu bijyanye no korohereza abatangira ubucuruzi, igihugu cyashize ingufu mu ikoreshwa ry’imashini zitanga inyemezabwishyu binyuze mu kigo cy’imisoro n’amahoro (RRA), uburyo bufasha abosoreshwa kwishyura TVA ku mashini iyo ari yo yose.

Nk’uko tubikesha Ikigo cy’Igihugu cy’Iterambere (RDB), kuva mu 2005 igihugu cyashyize ingufu mu kuvugurura ubucuruzi n’ishoramari aho raporo y’ishoramari yagiye izamura u Rwanda kuva ku kigero cya 37,4% mu 2005 aho icyo gihe rwari ku mwanya wa 150 ku isi, none ubu ruri ku kigero cya 77,68% mu 2018, ibituma ruza ku mwanya wa 29 ku isi.

Nk’uko RDB ibihamya, ngo byasabaga iminsi 354 mu kwandikisha umutungo mu 2005, mu gihe muri uyu mwaka wa 2018 bitwara iminsi irindwi gusa.

 

IGISUBIZO.COM

Leave a Reply

Your email address will not be published. Required fields are marked *