Shadow

Abinyujije mu ndirimbo Ariel Wayz agiye gusangiza abakunzi be ubuzima bwe

Ariel Wayz umwe mu bahanzikazi bagezweho muri iyi minsi ukomeje kwerekana ko afite ahazaza heza mu ruganda rwa muzika Nyarwanda yatangaje ko agiye gushyira hanze EP (Extended Play), ivuga ku buzima bwe bwite n’ibyo yaciyemo.

Ariel Wayz: The fast rising girl with a golden voice | The New Times | Rwanda

Uyu mukobwa ubusanzwe yitwa Uwayezu Ariel yamenyekanaye mu myaka mike ishize ubwo yari agisoza amasomo ye mu ishuri rya Muzika ryo ku nyundo aho yahise akomezanya na bagenzi be mu itsinda rya Symphony Band, aho yagaragaje ubuhanga budasanzwe benshi bagatangira kumubonamo umuhanzikazi mwiza mu myaka iri imbere.

Uyu mukobwa kuri ubu ufite indirimbo zakunzwe cyane kubera ubuhanga zikoranye nka “Ntabwo yantegereza, Boy From Mars , ’Ndagukumbuye’ aherutse gukorana na King James kugeza ubu ikaba ikomeje kuzamura urukundo rwe mu bakunzi ba muzika.

Ariel aherutse gutangaza ko muri iyi minsi acecetse cyane gusa aticaye ubusa kuko afite ibikorwa byinshi ari gukorera abakunzi b’umuziki we harimo EP (Extended Play) iriho indirimbo zisaga 6 izaba ivuga ku buzima bwe bwite nibyo yagiye acamo kugeza ubu.

Yagize ati “Abakunzi banjye ntimugire ikibazo umukobwa wanyu ndahari muri iyi minsi nari ndikubategurira ibintu byiza kuri ubu nditegura kugarukana ingufu nyinshi n’ibintu biryoheye amatwi.”

Abajijwe ku bijyanye n’irushanwa rya The voice Afrique Francophone” yagiyemo muri Afurika y’Epfo yadusubuje ko byari ubunararibonye bukomeye cyane kuko ari ubwa mbere yari yitabiriye amarushanwa akomeye nkary , akaba yarishimiye uko byagenze kuko yabashije kuhigira byinshi byatumye azakomeza kuzamura impano ye.

Mu gusoza yagize ati “Bitege indirimbo gusa banitege n’amashusho meza akoranye ubuhanga bwo mu rwego rwo hejuru n’ubwo yo ashobora kujya hanze atinzeho kubera uko ashaka ko akorwa neza.”

genesisbizz/IGISUBIZO

 

 

Leave a Reply

Your email address will not be published. Required fields are marked *