Shadow

Scandinavia WFC yatwaye igikombe cya Shampiyona yandika amateka

Ikipe y’abagore ikina umupira w’amaguru Scandinavia WFC , yo mu karere ka Rubavu yahinduye amateka itwara igikombe cya shampiyona itsinze igitego kimwe AS Kigali WFC yari imaze gutwara ibikombe icumi byose yikurikiranya .

This image has an empty alt attribute; its file name is umuyobozi_wa9550-26c70.jpg
Sekamana ashyikiriza Scandinavia WFC sheki nk’ikipe yegukanye igiombe cya shampiyona

Umukino wo kuri iki Cyumweru watangiye ikipe ya AS Kigali WFC ishaka gutsinda vuba ariko ku munota wa 24 nibwo Scandinavia yahinduye umukino ubwo Ukwinkunda Jeanette yatsindaga igitego cy’umutwe ku mupira wari uturutse muri koruneri.

Scandinavia WFC yakinnye uyu mukino itaratsindwa, aho ifite amanota 51 ikaba iri ku mwanya wa mbere naho AS Kigali WFC yari ifite amanota 48 iri ku mwanya wa kabiri.

Scandinavia WFC yatangiye yotsa igitutu ab’inyuma ba As Kigali WFC yakomeje kugaragaza umunaniro ariko ab’imbere barimo Uwimana Zawadi na Nyirahafashimana Marie Jeanne ntibabashe kuboneza mu izamu ririnzwe na Nyirabashyitsi Judith kugeza igice cya mbere kirangiye.

Igice cya kabiri cyatangiye ikipe ya Scandinavia irusha As Kigali kuburyo yanabonye igitego umusifuzi agasifura ko baraririye kugeza ubwo umukino warangiraga ari igitego kimwe ku busa.

Nyuma y’umukino umutoza wa As Kigali WFC, Mbarushimana Shaban yavuze ko umusaruro babonye ariwo bakwiye nyuma yo kumara icyumweru nta myitozo kubera ibibazo byo kudahembwa.

This image has an empty alt attribute; its file name is umuyobozi_wa2adf-ac52f.jpg

Scandinavia WFC yahawe igikombe na sheki ya miliyoni 3.5 Frw naho AS Kigali yahawe sheki ya miliyoni 1.5 Frw.

Abakinnyi 11 babanjemo ku mpande zombi:

Scandinavia: 

Umubyeyi Zakia, Kankindi Fatuma, Umuziranenge Irera, Muhawenimana Constance, Uwineza Jazira, Mukandayisenga Nadine, Uwimana Zawadi, Abimana Jamila, Nyirahafashimana Marie Jeanne, Uwihirwe Kevine na Ukwinkunda Jeannette.

This image has an empty alt attribute; its file name is abakinnyi_11b9dc-ca5e4.jpg
Abakinnyi 11 babanje mu kibuga ku ruhande rwa Scandinavia WFC

As Kigali:

Nyirabashyitsi Judith, Kayitesi Aodie, Uwamahoro Marie Claire, Uwamahoro Olive, Nibagwire Sifa Gloria, Mukeshimana Jeannette, Umwaliwase Dudja,Imanizabayo Florence, Iradukunda Callixte na Ibangarye Anne Marie.

This image has an empty alt attribute; its file name is as_kigali_wffc14-7f08f.jpg
AS Kigali WFC yarabgije shampiyona iri ku mwanya wa kabiri.
Perezida wa Scandinavia WFC, Kasereka Thierry Paluku,

Perezida wa Scandinavia WFC, Kasereka Thierry Paluku, yavuze ko mu cyumweru gitaha iyi kipe izitabira amarushanwa y’akarere azabera i Arusha muri Tanzania

Perezida wa Ferwafa Sekamana Jean Damascène, ashyikiriza igikombe Scandinavia WFC

Abakinnyi ba Scandinavia bishimiye igikombe batwaye ku nshuro ya mbere



Uko amakipe yatsindanye ku munsi wa nyuma (wa 18) wa shampiyona y’Abagore 

Gakenke WFC 0-4 Kamonyi WFC
Scandinavia WFC 1-0 AS Kigali
ES Mutunda WFC 3-0 Rugende WFC
AS Kabuye WFC 0-3 Inyemera WFC
Bugesera WFC 0-0 Rambura WFC

AS Kabuye WFC na Rugende WFC ni yo makipe yasoreje mu myanya ibiri ya nyuma, aho azasimburwa mu cyiciro cya mbere na APAER WFC na Fatima WFC zatsindiye kuzamuka.

Leave a Reply

Your email address will not be published. Required fields are marked *